10 декабрь, Шәмбе

27 апрель 2012 йыл, 17:15

БДПУ-ла буласаҡ уҡытыусылар өсөн вакансиялар йәрминкәһе үтәсәк

автор: Розалия Вәлиева

28 апрелдә 10-16 сәғәттәрҙә М.Аҡмулла исемендәге Башҡорт дәүләт педагогия университетында буласаҡ уҡытыусылар өсөн бишенсе вакансиялар йәрминкәһе үтәсәк.

Сара Башҡортостан Республикаһының Хеҙмәт һәм халыҡты социаль яҡлау министрлығы, Мәғариф министрлығы, Дәүләт халыҡ мәшғүллеге хеҙмәте ярҙамында үткәрелә, тип хәбәр иттеләр университеттың матбуғат хеҙмәтенән. Йәрминкәлә республиканың алдынғы белем биреү учреждениелары, төбәктең эш биреүселәре һәм сығарылыш курс студенттары ҡатнашасаҡ. Республика вакансиялар йәрминкәһе программаһында юғары уҡыу йортон тамамлаусыларҙың эш биреүселәр (министрлыҡ һәм ведомство, мәғариф учреждениелары етәкселәре) менән осрашыуы, хеҙмәттәшлек тураһындағы килешеүҙәргә ҡул ҡуйыу, компаниялар презентацияһы, «Үҙең менән таныштырыу. Шәхси имидж булдырыу» оҫталыҡ дәресе, төрлө тестар ҡаралған. Шулай уҡ мобиль халыҡ мәшғүллеге үҙәге эшләйәсәк.

Эш тәҡдим итеүселәр 2012 йылда уҡыу йортон тамамлаусы иң яҡшы һәм һәләтле йәштәрҙе һайлап алыу мөмкинлеге менән файҙалана ала. Ә йәштәр, эш биреүселәр менән туранан-тура аралашып, иртәгә үк карьераһын башлай ала.