10 декабрь, Шәмбе

27 апрель 2012 йыл, 13:01

Рөстәм Хәмитов Мәскәүҙә Билдәһеҙ һалдат ҡәберенә сәскәләр һалды

автор: Эльмира Сабирова | фото: Андрей Старостин

Башҡортостан Президенты Рөстәм Хәмитов Александров баҡсаһында Билдәһеҙ һалдат ҡәберенә сәскәләр һәм веноктар һалды. Сәскәләр һалыу тантанаһында Мәскәү мэры урынбаҫары Александр Горбенко, РФ Дәүләт Думаһы һәм БР Дәүләт Йыйылышы — Ҡоролтай депутаттары, Өфө хакимиәте башлығы Ирек Ялалов, төбәк министрҙары, ветерандар, йәмәғәт ойошмалары һәм йәштәрҙең патриотик берекмәләре вәкилдәре, студенттар ҡатнашты.

Хәтерегеҙгә төшөрәйек: Рәсәйҙең баш ҡалаһында Башҡортостан Республикаһы көндәре үтә. Сара сиктәрендә әле РФ Сауҙа-сәнәғәт палатаһында Башҡортостандың инвестицион һәм сәнәғәт ҡеүәттәренең презентацияһы бара, күргәҙмә экспозицияһы эшләй, унда республика Президенты Рөстәм Хәмитов менән Рәсәйҙең Сауҙа-сәнәғәт палатаһы Президенты Сергей Катырин ҡатнаша.