9 декабрь, Йома

27 апрель 2012 йыл, 10:09

10 майҙан Башҡортостанда автобустарҙа юл йөрөүгә хаҡ арта

автор: Әлфиә Шәрәфетдинова

«Башавтотранс» автобустарында йөрөү ҡыйбатыраҡҡа төшәсәк. Яңы тарифтар 10 майҙан ҡулланыла башлай. Тейешле ҡарар Башҡортостан Республикаһы сайтында бирелгән. Шулай итеп, ҡулаҡса менән иҫәпләшкәндә юл йөрөү 15 һумдан 18 һумға артасаҡ. Хаҡтар артыуы пластик карталар менән түләүгә лә ҡағыла: 8 һум 40 тин урынына хәҙер 15 һум буласаҡ. Махсус һәм экспресс-маршруттарҙағы автобустарҙа юл йөрөү 30 һумға төшәсәк.