11 декабрь, Йәкшәмбе

26 апрель 2012 йыл, 12:47

Республика табип-физкультура диспансерында Асыҡ ишектәр көнө үткәрелә

автор: Розалия Вәлиева

Һуғыш ветерандары өсөн Республика табип-физкультура диспансерында 2-5 майҙа Асыҡ ишектәр көнө ойошторола, тип хәбәр итә БР Һаулыҡ һаҡлау министрлығының матбуғат хеҙмәте. Был көндәрҙә теләге булғандарҙың барыһы ла Блюхер урамы, 1 адрес буйынса урынлашҡан Республика табип-физкультура диспансерының Сәләмәтлек үҙәгендә тикшеренеү үтә ала. Ветерандар умыртҡа һөйәгенә, быуындарға бәйле ауырыуҙарҙы, терәк-хәрәкәт системаһы имгәнеүенән һуң өҙлөгөүҙе дауалау буйынса консультациялар ала аласаҡ. Пациенттарҙы табип-травматолог һәм дауалау физкультураһы буйынса табип ҡабул итәсәк. Консультацияларҙы 235-60-07 телефоны аша алырға ла мөмкин.