4 декабрь, Йәкшәмбе

26 апрель 2012 йыл, 12:25

Башҡорт драма театры актерҙары эстрада йондоҙҙары менән музыкаль рингта көс һынашасаҡ

автор: Розалия Вәлиева

М.Ғафури исемендәге Башҡорт дәүләт академия драма театры сәхнәһендә музыкаль ринг үтәсәк, унда башҡорт эстрадаһы йондоҙҙары һәм театр актерҙары ҡатнашасаҡ. Музыкаль сара кесе йома, 26 апрелдә, үтәсәк.

Башҡорт драма театрының матбуғат хеҙмәтенән хәбәр итеүҙәренсә, ғәҙәти булмаған бәйге программаһында һүҙ жанры артистарының ижади номерҙары ҡаралған. Театр исеменән Сәғиҙулла Байегет, Алһыу Бәхтиева, Фирүзә Париж, Светлана Хәкимова, Урал Әминев, Артур Ҡунаҡбаев, Хәким Мортазин сығыш яһаясаҡ. Уларға ҡаршы башҡорт эстрадаһының билдәле йондоҙҙары Гүзәл Аҫылбаева, Зилиә Бәхтиева, Руслан Зөлҡәрнәев, Раил Өмөтбаев, Гүзәл Әҙеһәмова, Рафаэль Сәғитов, Линар Халиков сәхнәгә сығасаҡ.

— Барыһы ла ысын ринг ҡағиҙәләре буйынса үтәсәк, — тип аныҡлыҡ индерҙеләр матбуғат хеҙмәтенән. – Сюрприздарға ҡатнашыусылар ғына түгел, тамашасылар ҙа әҙер булырға тейеш. Кисә ҡунаҡтарын яңы йырҙар көтә.