5 декабрь, Дүшәмбе

24 апрель 2012 йыл, 14:20

Рәсәйҙә «Георгий таҫмаһы» акцияһы башланды

автор: Тимур Рәхмәтуллин

Еңеү көнөн билдәләү сиктәрендә «Георгий таҫмаһы» бөтә Рәсәй акцияһы старт алды. Ул 9 майға тиклем дауам итәсәк.

Акция сиктәрендә волонтерҙар үтеп барыусыларға таҫмалар таратасаҡ. Ойоштороусылар фекеренсә, был билдәне тағып йөрөү патриотизм һәм Бөйөк Ватан һуғышында һәләк булғандарҙы хәтерләү символы буласаҡ. Бер нисә мең Георгий таҫмаһы төбәктең ҡала һәм ауылдарында таратыласаҡ. Башҡортостан Республикаһының йәштәр эштәре һәм спорт министры урынбаҫары Руслан Ғизәтуллин билдәләүенсә, таҫмалар хәрби-патриотик саралар үткәреү урындарында таратыласаҡ. Был билдәләрҙе тағып йөрөү, Руслан Ғизәтуллин фекеренсә, һуғыш ветерандарын йәш быуын менән берләштерә.

Белешмә өсөн. «Георгий таҫмаһы» акцияһы тәүге тапҡыр бер нисә мәғлүмәт агентлығы һәм йәштәр йәмәғәт ойошмаһы менән 2005 йылда ойошторолдо. Проект тормошҡа ашырыла башлағандан алып, ойоштороусылар билдәләүенсә, унда донъяның унлаған иле ҡатнашҡан, бөтә донъя буйлап 60 миллиондан ашыу Георгий таҫмаһы таратылған.