8 декабрь, Кесе йома

20 апрель 2012 йыл, 16:05

«Mисс Азия-2012» конкурсында Башҡортостан һылыуы беренсе урын яуланы

автор: Эльмира Сабирова

Башҡортостан һылыуы Рәзилә Абдулғазина «Мисс Азия-2012» халыҡ-ара матурлыҡ конкурсында беренсе урын яуланы.

Матурлыҡ бәйгеһе Тыва Республикаһында үтте. Башҡортостан һылыуынан тыш, сарала Бурятия, Якутия, Тыва, Таулы Шория, Хакасия, Алтай, Монголия, Ҡытай һәм Кореянан ҡыҙҙар ҡатнашты.

Бурятиянан Арюна Бубеева Гран-при яуланы.

«Башинформ» агентлығы алдан хәбәр итеүенсә, жюри составында 2004 йылда «Мисс Азия» конкурсында еңеүсе яҡташыбыҙ Альбина Мөхәмәтйәнова-Усманова ла булды.

Конкурс шарттары буйынса, ҡыҙҙар үҙ халҡының мәҙәниәте менән таныштырҙы һәм ижади номерҙар тәҡдим итте. Рәзилә башҡорт бейеүен башҡарып, ҡумыҙҙа һәм флейтала уйнап, тамашасыны хайран ҡалдырҙы, тип хәбәр иттеләр «Һылыуҡай» студияһынан.

Башҡортостан һылыуына бриллиант муйынсаҡ һәм аҡсалата приз бүләк иттеләр.