8 декабрь, Кесе йома

19 апрель 2012 йыл, 17:12

Октябрьский ҡалаһы хакимиәте башлығы итеп йәнә Сергей Молчанов һайланды

автор: Марина Шумилова

Октябрьский ҡалаһы ҡала округы Советы ҡала округы хакимиәте башлығы итеп Сергей Молчановты тәғәйенләү тураһында ҡарар ҡабул итте. Тантаналы сарала Совет рәйесе Айҙар Иманғолов менән Сергей Молчанов тейешле контрактҡа ҡул ҡуйҙы, тип хәбәр итә ҡала хакимиәтенең мәғлүмәт-аналитика бүлеге.

Был ваҡиғаға ҡала округы хакимиәте башлығы вазифаһын биләүгә конкурс үткәрелгән, унда өс кандидат — хакимиәт башлығы Сергей Молчанов, 68-се профессиональ лицей директоры Старт Цуканов һәм «Система администраторы» яуаплылығы сикләнгән йәмғиәте директоры Рөстәм Ямалетдинов ҡатнашҡан. Конкурс йомғаҡтары буйынса Сергей Молчанов менән Старт Цуканов «БР Муниципаль берәмектәр советы» ассоциацияһының эксперт комиссияһы менән Октябрьский ҡалаһы ҡала округы Советына хакимиәт башлығы вазифаһына тәғәйенләүгә күрһәтелгән.

Ҡала Советы ултырышында депутаттарҙың күбеһе (23 кешенең 20-һе)  Октябрьский хакимиәте башлығы итеп Сергей Молчановты тәғәйенләү өсөн тауыш биргән.