3 декабрь, Шәмбе

18 апрель 2012 йыл, 11:33

Эстафета арҡаһында Өфөлә ваҡытлыса транспорт хәрәкәте үҙгәрәсәк

автор: Әлфиә Шәрәфетдинова

«Бөтәһе лә сәләмәт милләт өсөн» еңел атлетика эстафетаһы үткәрелеүе арҡаһында Өфөнөң Дим районында йәмәғәт транспорты хәрәкәтенең маршруты үҙгәртеләсәк. Сара 28 апрелдә үтәсәк. Район хакимиәтенең мәғлүмәт-аналитика бүлегенән хәбәр итеүҙәренсә, был көндө сәғәт 10.30-ҙан 13.00-гә тиклем 14, 214, 54, 57, 57а, 257к, 235,  216, 216к, 218 һанлы автобустар ЮХХДИ, «Тиҙ ярҙам» станцияһы һәм Дим тимер юл станцияһы ҡаршыһындағы туҡталыштар менән Үҙәк — М.Йәлил — Левитан урамынан йөрөйәсәк.

Ойоштороу комитеты ваҡытлыса ҡыйынлыҡтар өсөн ғәфү үтенә.