7 декабрь, Шаршамбы

17 апрель 2012 йыл, 13:58

Башҡорт дәүләт университетында физика буйынса Башҡортостан Кубогы финалы үтәсәк

автор: Эльмира Сабирова

Башҡорт дәүләт университетында 18 апрелдә физика буйынса Башҡортостан Кубогы финалы үтәсәк. Аҙаҡҡы турға сығыр алдынан, ҡатнашыусылар муниципаль этаптарҙа көс һынашҡан. Турнир республиканың Мәғариф министрлығы ярҙамында БашДУ-ның Физика-техник институты менән 2007 йылдан үткәрелә. Йыл һайын унда бөтә республиканан меңдән ашыу кеше ҡатнаша.

Турнир 10-11-се класс уҡыусылары өсөн үткәрелә. Командала — өс кеше. Иртәгә йәш физика белгестәре үҙҙәренең интеллектуаль һәләттәрен күрһәтәсәк, бәйгенең абсолют еңеүсеһе исеменә көс һынашасаҡ.

Иҫегеҙгә төшөрәбеҙ, былтыр Кубокты Ишембайҙың 12-се лицейы командаһы яулағайны.

Олимпиада физика-математика корпусының 02-се бүлмәһендә үтәсәк. Башлана – 13 сәғәттә.