4 декабрь, Йәкшәмбе

13 апрель 2012 йыл, 16:53

Үҙәк диниә назараты «Дини мәҙәниәт һәм донъяуи этика нигеҙҙәре» буйынса «ҡыҙыу линия» асырға тәҡдим итә

автор: Тимур Рәхмәтуллин

Рәсәй мосолмандары Үҙәк диниә назараты хакимиәте етәксеһе урынбаҫары Артур Сөләймәнов мәктәп программаһына индерелеүсе «Дини мәҙәниәт һәм донъяуи этика нигеҙҙәре» курсы буйынса «ҡыҙыу линия» асырға тәҡдим итте.

Уның һүҙҙәренсә, яңы предмет халыҡ араһында бихисап һорауҙар һәм бәхәстәр тыуҙыра. Бынан тыш, яңы дисциплина индерелгәс, ата-әсәләрҙә уҡытыусының компетентлығына шик тыуыуы ихтимал.

— Төрлө проблемалар килеп сыҡмаһын өсөн, беҙ «ҡыҙыу линия» асырға тәҡдим итәбеҙ, — тине Артур хәҙрәт. – Ата-әсәләр, уҡыусылар был телефонға шылтыратып, һорауҙарын бирә, предмет һәм уҡытыусыларға ҡарата үҙ фекерен белдерә, белгестәрҙән тулы яуап ала алыр ине.

Башҡортостан Республикаһының мәғариф министры урынбаҫары Владимир Аристархов был фекерҙе хупланы һәм, БР Мәғариф министрлығында Рәсәй мосолмандары Үҙәк диниә назаратының башланғысын тикшерербеҙ, тип вәғәҙә бирҙе.

темалар: мәғариф,дин