9 декабрь, Йома

13 апрель 2012 йыл, 15:02

Журналистарҙың XVI «Бөтә Рәсәй – 2012» фестивале Бөйөк Новгородта үтәсәк

автор: Любовь Колоколова

Рәсәй Журналистар союзы хеҙмәттәштәрен XVI «Бөтә Рәсәй–2012» фестивалендә ҡатнашыуға саҡыра. Сара 9-14 июндә Бөйөк Новгородта үтәсәк.

Фестиваль программаһы көнүҙәк темаларға фекер алышыуҙы, киң мәғлүмәт сараларының яңы проекттарын презентациялауҙы, алдынғы публицистарҙың оҫталыҡ дәрестәрен, телевидение һәм радионың билдәле журналистары, фән һәм мәҙәниәт хеҙмәткәрҙәре менән осрашыуҙарҙы, шулай уҡ «Рәсәйҙең мәҙәни мираҫы» һөнәри конкурсын үҙ эсенә ала.

Бынан тыш, фестивалдә ҡатнашыусыларҙы ҙур экскурсия программаһы көтә: улар Новгородтың тарихи ҡомартҡылары, иҫтәлекле урындары менән танышасаҡ. Шулай уҡ журналистарҙың һөнәри теләктәшлеген нығытыуға арналған байрам акцияһы үткәреләсәк, тип хәбәр иттеләр Рәсәй Журналистар союзынан.

Фестиваль тураһында тулыраҡ мәғлүмәт менән (495) 637-23-95, 637-41-85 телефондары аша һәм www.ruj.ru сайтында танышырға була.