3 декабрь, Шәмбе

13 апрель 2012 йыл, 10:09

Хәйбуллалар Ырымбур райондары менән хеҙмәттәшлек итә

автор: Марина Шумилова

Хәйбулла районы делегацияһы Ырымбур өлкәһе Гай районының Нововоронежск ауылында булды.  

Хәйбулла районы Ырымбур өлкәһенең башҡорттар күпләп йәшәгән Гай һәм Ҡыуандыҡ райондары менән күп йылдар дауамында хеҙмәттәшлек итә.  Күрше өлкә уҡытыусылары өсөн семинарҙар үткәреү һәм райондың ижади коллективтарының концерттарын ойоштороу ҙа матур йолаға әйләнгән. Был юлы Гай районына Хәйбулла районы башҡорттары ҡоролтайының активистары килде. Улар Нововоронежск ауылы халҡы менән осрашты, уларға Хәйбулла районы халҡы менән йыйылған башҡорт телендәге китаптарҙы бүләк итте. Ауыл халҡы өсөн башҡорт телендәге китаптар, башҡорт йырҙары яҙҙырылған дискылар һәм башҡа полиграфия продукцияһы күргәҙмә-йәрминкәһе ойошторолдо.

Ырымбурҙар Хәйбулла районының бай концерт программаһы әҙерләгән үҙешмәкәр артистарын да йылы ҡаршыланы. Бындай осрашыуҙар йыл дауамында Ырымбурҙың башҡа ауылдарында ла үтәсәк.