Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.03 ↓

EUR 69.59 ↓

23 август, Шаршамбы

Уфа   °

Туғыҙ райондағы 16 ауылда йорттарҙы һыу баҫҡан

Йәмғиәт

Әлеге мәлдә республиканың туғыҙ районындағы 16 тораҡ пункт һыу баҫыу зонаһында ҡалған, тип хәбәр иттеләр БР Тәбиғәттән файҙаланыу һәм экология министрлығында. Һыу баҫҡан райондарҙа артабан һыу күтәрелеүе тураһында башҡаса мәғлүмәт алынманы.

Ведомство мәғлүмәттәренә ярашлы, һыу баҫҡан иң күп йорттар — Йәрмәкәй районында. Унда әле республика комиссияһы эшләй. Миәкә районының өс ауылы халҡы ла урындағы йылғаларҙа кинәт һыу күтәрелеүе арҡаһында зыян күргән.

Хәтерегеҙгә төшөрәйек, Йәрмәкәй районында 375 өй Рә йылғаһы ташыуы арҡаһында ҡамауҙа ҡалды. Район хакимиәтенән хәбәр итеүҙәренсә, ҡотҡарыусылар тарафынан 161 кеше эвакуацияланған. Районда ташҡынға ҡаршы комиссия штабы эшләй.

— Урындағы балалар баҡсаһы халыҡты ваҡытлыса ҡабул итергә әҙер, — тип хәбәр итте Йәрмәкәй районы хакимиәте вәкиле Александр Никаноров. — Әлегә ташҡындан зыян күргәндәрҙең барыһы ла туғандарында урынлашҡан. Райондың ашығыс хеҙмәттәре ауыл халҡына теләһә ҡайһы ваҡытта ярҙамға килергә әҙер.  

Яндекс цитирования
Рейтинг ресурсов "УралWeb"
закрыть