Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.63

EUR 61.44

20 февраль, Дүшәмбе

Уфа   °

«Тәбиғәт» предприятиеһы өмәләрҙә йыйылған сүп-сарҙы бушлай утилләштерәсәк

Йәмғиәт

Башҡортостандың «Тәбиғәт» дәүләт унитар предприятиеһы экологик өмәләр барышында республика предприятиелары һәм ойошмалары менән йыйылған сүп-сарҙы бушлай утилләштерәсәк. Сүп-сар ошо предприятиеның ҡаты көнкүреш ҡалдыҡтары полигондарында бушлай ҡабул ителәсәк.  

БР Тәбиғәттән файҙаланыу һәм экология министрлығында әйтеүҙәренсә, 14 апрелдән республикала экологик өмәләр башланасаҡ. Өс аҙна дауамында министрлыҡтарға, дәүләт комитеттарына, ведомстволар, муниципаль район һәм ҡала округы хакимиәттәренә, ойошмаларға, профсоюз комитеттарына һәм йәмәғәт берекмәләренә урамдарҙы, юлдарҙы, ихаталарҙы, парктар, баҡсалар һәм башҡа территорияларҙы таҙартыу, төҙөкләндереү һәм йәшелләндереү сараларын үткәрергә тәҡдим ителгән.

Хәтерегеҙгә төшөрәйек, былтыр Башҡортостанда үткән яҙғы өмәләр һөҙөмтәһендә республика территорияһын таҙартыу һәм төҙөкләндереү  буйынса уртаса процент 99,3-кә еткәйне. Ҡала һәм ауыл биләмәләрен таҙартыу, төҙөкләндереү һәм йәшелләндереү сараларына 38 меңдән ашыу техника берәмеге йәлеп ителде. Экологик өмәләр һөҙөмтәһендә 350 мең кубометрҙан ашыу ҡаты көнкүреш ҡалдыҡтары йыйылып, полигондарға сығарып түгелде.

Яндекс цитирования
Рейтинг ресурсов "УралWeb" -->
закрыть