Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36

EUR 69.71

21 август, Дүшәмбе

Уфа   °

Төбәктә тәүгә «Яратам һине, тормош!» фестивале үтәсәк

Йәмғиәт

«Яратам һине, тормош!» оло йәштәгеләрҙең художестволы үҙешмәкәр ижады фестивале республикала тәүгә ағымдағы йылдың апрель һәм май айҙарында үтәсәк. Фестиваль гала-концерты 8 июндә Өфөнөң «Нефтсе» мәҙәниәт һарайында уҙғарыласаҡ.

Башҡортостан Республикаһы Хеҙмәт һәм халыҡты социаль яҡлау министрлығының матбуғат хеҙмәтенән хәбәр итеүҙәренсә, фестивалдә ҡатнашыуға ижади коллективтар һәм айырым башҡарыусылар саҡырыла. Ҡатнашыусылар йәше: ҡатындар – 55 йәштән алып, ир-аттар – 60 йәштән алып.

Фестивалдә ҡатнашыусылар үҙ һәләттәрен түбәндәге номинацияларҙа күрһәтә ала: вокал, бейеү, музыка ҡоралдарында уйнау, әҙәби әҫәр уҡыу һәм оригиналь жанр. Бәйге йомғаҡтары буйынса еңеүселәргә һәр номинацияла 1-се, 2-се һәм 3-сө урындар биреләсәк. Гран-приға иң сағыу һәм һәләтле ҡатнашыусы лайыҡ буласаҡ.

Фестивалдә ҡатнашыусылар ижадына республиканың билдәле музыканттары, сәнғәт оҫталары баһа бирәсәк.

Бындай башланғыс менән төбәктең Хеҙмәт һәм халыҡты социаль яҡлау министрлығы сығыш яһаны. Фестивалде үткәреүҙә шулай уҡ БР Мәҙәниәт министрлығы, «Башҡортостан Республикаһының муниципаль берәмектәре Советы» ассоциацияһы, Һуғыш, хеҙмәт, Ҡораллы Көстәр һәм хоҡуҡ һаҡлау органдары ветерандарының (пенсионерҙарҙың) республика советы, «Йылдарым — байлығым» йәмәғәт ойошмаһы, «Башҡортостан» телерадиокомпанияһы дәүләт унитар предприятиеһы ла ҡанаша.

Яндекс цитирования
Рейтинг ресурсов "УралWeb"
закрыть