8 декабрь, Кесе йома

09 апрель 2012 йыл, 10:53

Роберт Юлдашев Санкт-Петербургта үткән музыкаль конкурста еңеү яуланы

автор: Розалия Вәлиева

Билдәле ҡурайсы Роберт Юлдашев үҙенең «Ҡурайсы» коллективы менән Санкт-Петербургта үткән абруйлы TEREM CROSSOVER конкурс-фестивалендә бер юлы ике номинацияла еңеү яуланы. Башҡортостан ҡурайсыһы «Милли үҙенсәлелек» һәм «Тамашасы һөйөүе» приздарына лайыҡ булды. Фестивалдә донъяның 12 иленән 28 коллектив һәм 150 музыкант ҡатнашты.

II TEREM CROSSOVER Халыҡ-ара музыкаль турнир Санкт-Петербург Хөкүмәте ярҙамында «Терем-квартет» ансамбле менән ойошторолдо. Музыканттар ижадына Рәсәй, Венгрия, Израиль, Германия, Япония һәм Ҡытайҙан билдәле музыканттар, композиторҙар, менеджерҙар һәм продюсерҙар баһа бирҙе.