10 декабрь, Шәмбе

06 апрель 2012 йыл, 16:22

«Мушкетер» Сафин донъя беренселегендә алтын миҙал яуланы

автор: Дмитрий Слезин

Өфөлө Тимур Сафин юниорҙар араһында фехтование буйынса донъя беренселегендә алтын миҙал яуланы. Ярыштар Мәскәүҙә үтте.

Рапира буйынса беренселектең сирек финалы ярышында ул корей Ли Кван Хьюнды еңде — 15:13, ярымфиналда АҠШ спортсыһы Александр Массиалас менән көрәштә 15:10 иҫәбе менән еңеп сыҡты. Һуңғы уйында иһә Италиянан Даниэле Гароццоны 15:8 иҫәбе менән еңде.