Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36

EUR 69.71

21 август, Дүшәмбе

Уфа   °

«Берҙәм Рәсәй» партияһының Башҡортостан төбәк башҡарма комитетында яңы етәксе буласаҡ

Сәйәсәт

«Берҙәм Рәсәй» партияһының Башҡортостан төбәк башҡарма комитетында яңы етәксе буласаҡ. Был вазифаны биләгән Рөстәм Ишмөхәмәтов Башҡортостан Республикаһының Дәүләт Йыйылышы – Ҡоролтайға эшкә күсә. Бөгөн ул БР Дәүләт Йыйылышының Дәүләт төҙөлөшө буйынса комитеты рәйесе урынбаҫары итеп һайланды. Рөстәм Ишмөхәмәтов кандидатураһын комитеттың ултырышта ҡатнашҡан барлыҡ ағзалары ла бер тауыштан яҡланы. Был ҡарарҙы республика Дәүләт Йыйылышының башҡа депутаттары ла раҫлаясаҡ.

Дәүләт төҙөлөшө буйынса комитет рәйесе урынбаҫары вазифаһын бығаса биләгән Михаил Бугераға Өфө дәүләт иҡтисад һәм сервис академияһында эш тәҡдим ителде.

«Берҙәм Рәсәй» партияһының Башҡортостан төбәк башҡарма комитетының яңы етәксеһе алдағы аҙнала билдәле буласаҡ. «Башинформ» агентлығына «Берҙәм Рәсәй»ҙең төбәк сәйәси советы секретары урынбаҫары Альберт Мифтахов хәбәр итеүенсә, партияның башҡарма комитеты оҙаҡ ваҡыт етәксеһеҙ ҡала алмай, шуға күрә был мәсьәлә яҡын арала хәл ителәсәк.

Теги: партиялар
Яндекс цитирования
Рейтинг ресурсов "УралWeb"
закрыть