6 декабрь, Шишәмбе

04 апрель 2012 йыл, 12:08

Был аҙнала далалағы йылғаларҙа боҙ китеүе көтөлә

автор: Галина Бахшиева

Килеп тыуған гидрометеорологик шарттар арҡаһында был аҙнала Башҡортостандағы дала йылғаларында  — Ағиҙел һәм Уралдың ҡушылдыҡтарында боҙ китеүе көтөлә. Улар араһында Дим, Кесе һәм Оло Ҡыҙыл, Таналыҡ, Быҙаулыҡ һәм Йәнгел йылғалары күрһәтелгән.

Башҡортостан Гидрометеорология һәм тирә-яҡ мөхит мониторингы идаралығынан хәбәр итеүҙәренсә, дала йылғаларында боҙ киткәндә тар урындарҙа боҙ тығылыуы һәм һыу кимәленең кинәт күтәрелеүе ихтимал.  

Тығындар булғанда һыуҙың күтәрелеп, үҙәненән сығыуы көтөлә. Йылға бассейндарындағы ауылдарҙың ярға яҡын урынлашҡан урындарын һыу баҫыуы ихтимал. Идаралыҡта билдәләүҙәренсә, боҙ тығылыуы арҡаһында йылғаларҙағы һыу кимәленең күҙалланған кимәлдән ашып китеүе лә мөмкин.

темалар: ташҡын