7 декабрь, Шаршамбы

02 апрель 2012 йыл, 15:48

Башҡортостанда 18 млрд һум суммаға торлаҡ кредиттары бирелгән

автор: Галина Бахшиева

Төбәктең кредит ойошмалары менән былтыр бығаса булмағанса 18 миллиард һум суммалыҡ 24466 торлаҡ кредиты бирелгән.

Шул уҡ ваҡытта, күсемһеҙ милеккә хоҡуҡтарҙы теркәү органдарынан алынған мәғлүмәткә ярашлы, 10 процент осрағында ғына килешеүҙәр беренсел торлаҡ буйынса төҙөлгән, тип хәбәр иттеләр БР Төҙөлөш һәм архитектура буйынса дәүләт комитетында.

Хәтерегеҙгә төшөрәйек, 2011 йылда республика территорияһында 23,5 мең фатир төҙөлгән. План менән 2,1 млн «квадрат» ҡаралған, ысынбарлыҡта 2,109 млн квадрат метр торлаҡ сафҡа индерелгән. Шул уҡ ваҡытта төҙөлгән яңы торлаҡтың 73 проценты, 1,546 млн квадрат метры, шәхси торлаҡ төҙөлөшөнә тура килә.

темалар: торлаҡ,төҙөлөш