Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.66

EUR 63.72

23 ғинуар, Дүшәмбе

Уфа   °

Төньяҡ-көнбайыш райондарҙа экомобиль 2400-ҙән ашыу терегөмөшлө лампа йыйҙы

Иҡтисад

Терегөмөшлө изделиелар ҡабул итеүсе Башҡортостандағы берҙән-бер күсмә пункт – экомобиль Ағиҙелдә, Яңауылда һәм Нефтекамала 2400-ҙән ашыу терегөмөшлө лампа һәм градусник йыйған.

«Башинформ» агентлығына «Тәбиғәт» дәүләт унитар предприятиеһы инженер-экологы Альбина Шәмсетдинованың хәбәр итеүенсә, рейд һөҙөмтәһендә экомобиль менән Башҡортостандың төньяҡ-көнбайыш райондары халҡынан ҡабул ителгән изделиеларҙың күбеһе – люминесцент лампалар. Уларҙы халыҡ 2280 дана тапшырған. Ҡалғандары – энергия һаҡлаусы лампалар һәм градусниктар.

Альбина Шәмсетдинова әйтеүенсә, терегөмөшлө изделиелар тапшырыуҙа Нефтекама халҡы әүҙемлек күрһәткән. Улар 1500-ҙын ашыу әйбер тапшырған.

Экомобиль менән йыйылған әйберҙәрҙең барыһы ла Стәрлетамаҡҡа махсус хәүефле ҡалдыҡтарҙы утилләштереү учаскаһына ебәрелгән. Хәтерегеҙгә төшөрәйек, төньяҡ-көнбайыш райондарға рейдҡа экомобиль 2012 йылда тәүге тапҡыр сыҡты. «Тәбиғәт» дәүләт унитар предприятиеһынан хәбәр итеүҙәренсә, 2011 йылда экомобиль республика буйынса 30-лаған рейд яһаған һәм халыҡтан  ете меңдән ашыу люминесцент һәм энергия һаҡлаусы лампалар йыйып алған.

Яндекс цитирования
Рейтинг ресурсов "УралWeb" -->
закрыть