8 декабрь, Кесе йома

30 март 2012 йыл, 14:54

Күмертауҙа ҡатын-ҡыҙҙар советы эшләй башланы

автор: Евгений Рәхимҡолов

Күмертауҙа ҡатын-ҡыҙҙар советы эшләй башланы. Шаршамбы уның тәүге ултырышы үтте. Был хаҡта «Башинформ» агентлығына Күмертау районы хакимиәтенең мәғлүмәт-аналитика бүлегенән хәбәр иттеләр. Совет башлығы итеп «Кумертауское время» гәзитенең баш мөхәррире Елена Камалова һайланды.

Тормошта ауыр хәлдә ҡалған кешеләргә ярҙам итеү, ғаилә ҡиммәттәрен һәм сәләмәт тормошто пропагандалау, шулай уҡ ололарҙың ял ваҡытын ойоштороу ҡатын-ҡыҙҙар советы эшмәкәрлегенең төп йүнәлештәре буласаҡ. Совет ағзалары иҫәпләүенсә, бының өсөн Күмертауҙа барыһы ла — урындағы властарҙың ярҙамы ла, ҡатындарҙың эшләргә теләге лә бар.