6 декабрь, Шишәмбе

29 март 2012 йыл, 17:22

Республика райондары һәм ҡалаларында өс йылға иҫәпләнгән соцобъекттарҙы финанслау пландары төҙөләсәк

автор: Әлфиә Шәрәфетдинова

Башҡортостандағы һәр ҡала һәм райондың йәмәғәт инфраструктураһын үҫтереү буйынса комплекслы программаһы буласаҡ. Муниципалитеттарға өҫтөнлөклө тәртиптә финансланасаҡ социаль объекттарҙы алдағы ике айҙа уҡ билдәләргә кәрәк.

— Беҙгә социаль инфраструктура менән нимә эшләргә кәрәклеге аңлашылһын өсөн, майға тиклем һеҙҙән киләһе өс йылда ниндәй объекттарҙы ремонтлап һәм төҙөп бөтөргә кәрәклеге тураһында тәфсирләп яҙылған документ көтәбеҙ, — тип урындағы хакимиәт вәкилдәренә мөрәжәғәт итте республиканың иҡтисади үҫеш министры Евгений Маврин Өфөлә үткән ведомство ултырышында.