8 декабрь, Кесе йома

28 март 2012 йыл, 16:42

Баш ҡалала Орджоникидзе районының юбилейы билдәләнә

автор: Любовь Колоколова

Өфөнөң Орджоникидзе районында бөгөн ҙур ваҡиға. Бында, Химиктар мәҙәниәт һарайында, Орджоникидзе районына 60 йыл тулыуға арналған тантаналы сара үтә.

Мәҙәниәт һарайы фойеһында күргәҙмә эшләй, унда район предприятиелары, шул иҫәптән бәләкәй бизнес субъекттары продукцияһы тәҡдим ителә.

Район халҡын был мөһим ваҡиға менән ҡотларға Башҡортостан Президенты Хакимиәте етәксеһе Владимир Балабанов, төбәктең Дәүләт Йыйылышы – Ҡоролтай рәйесе Константин Толкачев һәм Өфө хакимиәте башлығы Ирек Ялалов килде. Владимир Балабанов республика Президенты Рөстәм Хәмитовтың сәләмләү хатын уҡып ишеттерҙе.

Йола буйынса Орджоникидзе районының иң яҡшы хеҙмәткәрҙәренә наградалар тапшырыу, почетлы граждандарын тәбрикләү тантанаһы үтәсәк. Башҡортостандың сәнғәт оҫталары һәм үҙешмәкәр ижади коллективтар концерт номерҙары менән ҡыуандырасаҡ.