3 декабрь, Шәмбе

28 март 2012 йыл, 15:20

Ллой Болл «Ижтимағи электрон гәзит» уҡыусыларының һорауҙарына яуап бирә

автор: Әлим Фәйезов | фото: Андрей Старостин

Ошо минуттарҙа «Ижтимағи электрон гәзит» сайтында был миҙгелдә Өфөнөң «Урал» командаһы өсөн сығыш яһаусы легендар волейболсы Ллой Боллдың онлайн-конференцияһы бара.

Донъялағы иң яҡшы волейболсыларҙың береһе, олимпия чемпионы, АҠШ йыйылма командаһы составында дүрт Олимпиада уйынында ҡатнашыусы, Рәсәй, Италия, Греция чемпионы, Рәсәй чемпионатындағы иң титуллы уйынсы, ағымдағы миҙгелдә чемпионаттың иң яҡшы уйынсыһы уҡыусыларҙың һорауҙарына яуап бирә. Онлайн-аралашыу, ғәҙәттәгесә, бер сәғәт дауамында барасаҡ. Ллой Болл рус телендә һөйләшмәй, шуға күрә уға тәржемәсе ярҙам итәсәк.

Ллой Боллға www.i-gazeta.com сайтына ингән һәр кеше һорау бирә ала. Бының өсөн «Ижтимағи электрон гәзит» сайтының баш битендә «Урал» лидеры Ллой Болл менән онлайн-конференция» бүлегендәге тейешле форманы тултырырға кәрәк. Һорауығыҙ «Ижтимағи электрон гәзит» сайтында ҡабул ителгән ҡағиҙәләргә ярашлы формалаштырылған булырға тейеш.                          

Онлайн «Башинформсвязь» асыҡ акционерҙар йәмғиәтенең техник ярҙамында бойомға ашырыла . Онлайн-конференцияларҙан видеоотчеттарҙы «Онлайн-конференциялар архивы» бүлегендә лә ҡарарға мөмкин.