4 декабрь, Йәкшәмбе

19 март 2012 йыл, 16:37

Мәрйәм Солтанова исемендәге Ислам колледжының яңы корпусы асылды

автор: Тимур Рәхмәтуллин

Өфөлә Мәрйәм Солтанова исемендәге Ислам колледжының яңы корпусы асылды. Яңы бина колледждың төп уҡыу корпусы янында урынлашҡан.  

Уҡыу йортоноң икенсе корпусында өс ай дауамында капиталь ремонт алып барылған. Ислам колледжы директоры Илдар Малахов әйтеүенсә, бина торошо үтә насар булған. Элек уны берәү ҙә файҙаланмаған. Башҡортостан Республикаһы мосолмандары Диниә назаратының һәм дини уҡыу йорто етәкселегенең тырышлығы менән бағыусылар ярҙамын йәлеп итеүгә өлгәшелгән.

Хәҙер колледждың кәрәкле заманса техника менән йыһазландырылған яңы уҡыу кластары, сит телдәр, шул иҫәптән ғәрәп телен өйрәнеү өсөн лингафон кабинеты, конференц-залы, ашханаһы, аҙыҡ-түлек һаҡлау һәм ризыҡ әҙерләү өсөн хужалыҡ биналары бар.  

темалар: дин,төҙөлөш