6 декабрь, Шишәмбе

17 март 2012 йыл, 11:52

Майҙа Рәсәй халҡын дүрт көнлөк каникул көтә

автор: Әлфиә Шәрәфетдинова

РФ Хөкүмәтендә май байрамдарындағы ял көндәре билдәләнде. Быйыл ял көндәре икенсе төрлөрәк ойошторолдо. Һөҙөмтәлә рәсәйлеләр бер-бер артлы дүрт көн ял итәсәк.

— Халыҡтың, баҡсаға барыу өсөн был арала ял көндәре күберәк булһын ине, тигән теләген күҙ уңында тотоп, шәмбеләге, 5 майҙағы, ял көнөн дүшәмбегә — 7 майға, һәм шәмбенән, 12 майҙан, шишәмбегә — 8 майға күсерергә тәҡдим ителә, — тип билдәләне Хөкүмәт президиумы ултырышында Премьер-министр Владимир Путин һәм тейешле ҡарарға ҡул ҡуйҙы.

Һөҙөмтәлә май айында 1-е — Яҙ һәм хеҙмәт байрамы, артабан 6-һынан 9 майға тиклемге көндәр ял көндәре буласаҡ.

Айҙың беренсе һәм икенсе шәмбеһе — 5 һәм 12 май — эш көнө.

темалар: байрамдар