9 декабрь, Йома

15 март 2012 йыл, 10:58

15 март – Ҡулланыусылар хоҡуҡтарын яҡлау көнө

автор: Әлфиә Шәрәфетдинова

15 мартта бөтә донъя Ҡулланыусылар хоҡуҡтарын яҡлау көнөн билдәләй. Рәсәйҙә быйыл ул «Беҙҙең аҡса, беҙҙең хоҡуҡтар: кампания финанс хеҙмәттәр баҙарында дөрөҫ һайлау яҡлы» девизы аҫтында һәм «Ҡулланыусылар хоҡуҡтарын яҡлау тураһында»ғы РФ Законын ҡабул итеүгә 20 йыл тулыуға ҡарата үткәрелә.

Бөгөн Башҡортостанда ведомствоның барлыҡ территориаль бүлексәләрендә асыҡ ишектәр көнө үтәсәк. Сауҙа, көнкүреш хеҙмәттәре, туризм, финанс һәм торлаҡ-коммуналь хеҙмәттәр, элемтә һәм тауар ташыу хеҙмәттәре өлкәләрендә ҡулланыусылар хоҡуҡтарын яҡлау тураһындағы ҡануниәтте үтәү мәсьәләләре буйынса теләгән һәр кем консультация ала аласаҡ.