7 декабрь, Шаршамбы

14 март 2012 йыл, 17:08

Йылайыр районында көрәш буйынса иң көслө спортсылар билдәләнәсәк

автор: Тимур Рәхмәтуллин

16 мартта «Сәләмәт тормош өсөн» акцияһы сиктәрендә Йылайыр районы Юлдыбай ауылының «Батыр» физкультура-сәләмәтләндереү комплексында көрәш буйынса район-ара турнир үтәсәк. Бәйге яугир-интернационалист Рафаэль Ҡолһариндың яҡты иҫтәлегенә арнала. Ярыштарҙы Бөтә донъя башҡорттары ҡоролтайы Башҡарма комитеты һәм Йылайыр районы хакимиәте ойоштора.

Милли спорт төрҙәрен үҫтереү һәм популярлаштырыу, йәштәрҙе спортҡа йәлеп итеү, иң көслө батырҙарҙы һәм командаларҙы асыҡлау, сәләмәт тормошто пропагандалау, башҡорт халҡының мәҙәни традицияларын һаҡлап ҡалыу турнирҙың төп маҡсаттары булып тора.

Турнирҙа еңеүселәр ойоштороусыларҙан кубоктар, миҙалдар, приздар һәм дипломдар менән бүләкләнәсәк.