7 декабрь, Шаршамбы

12 март 2012 йыл, 13:45

Өфөнөң Халыҡ мәшғүллеге үҙәге 14 мең вакансия тәҡдим итә

автор: Галина Бахшиева

Башҡортостан баш ҡалаһында бөгөн рәсми рәүештә яҡынса 8600 эшһеҙ иҫәпләнә. Шул уҡ ваҡытта Өфөнөң вакансиялар банкында бөгөнгө көндә 14 меңдән ашыу буш эш урыны бар.

Өфөнөң Халыҡ мәшғүллеге үҙәгенең һуңғы мәғлүмәттәре буйынса, ҡалала эшһеҙлек кимәле 1,53 процент тәшкил итә. Хеҙмәт баҙарындағы көсөргәнешлек коэффициенты 0,65-кә тиң. Икенсе төрлө әйткәндә, бер вакантлы урынға бер кешенән әҙерәк тура килә.

Әлеге ваҡытта Өфөнөң хеҙмәт биржаһында йәмғеһе 9100-гә яҡын кеше иҫәптә тора. Уларҙан яҡынса 400 кеше бөгөн хеҙмәт баҙарында талап ителгән һөнәрҙәр буйынса уҡыуын дауам итә.