7 декабрь, Шаршамбы

12 март 2012 йыл, 10:27

Башҡортостандың муниципаль берәмектәре биләмәләрҙең туристик паспорттарын әҙерләй

автор: Любовь Колоколова

Башҡортостандың муниципаль берәмектәре территорияларҙың туристик паспорттарын әҙерләүен дауам итә. Улар муниципаль район тураһындағы дөйөм мәғлүмәтте, социаль-иҡтисади үҫеш күрһәткестәрен, туристик-рекреацион ресурстарҙың, туриндустрия объекттарының тасуирламаһын үҙ эсенә алырға тейеш.

БР Эшҡыуарлыҡ һәм туризм буйынса дәүләт комитетында әйтеүҙәренсә, бындай паспорттар булдырыу Башҡортостандың тулы туристик паспортын эшләргә, шулай уҡ туристик баҙарҙа «Башҡортостан Республикаһы» брендын рекламаларға, муниципаль берәмектәрҙең инвестицион күркәмлеген арттырырға, Рәсәй туристарына ғына түгел, сит ил ҡунаҡтарына ла ҡыҙыҡлы буласаҡ яңы турҙар әҙерләүгә һәм булғандарын камиллаштырыуға мөмкинлек бирәсәк.

Муниципаль берәмектәрҙең әҙер туристик паспорттары менән Дәүләт комитетының сайтында танышырға мөмкин.