10 декабрь, Шәмбе

07 март 2012 йыл, 13:08

Башҡортостанда йәшәүсе гүзәл заттар сәскәләргә күмеләсәк

автор: Ғәлиә Нәбиева

Башҡортостанда гүзәл заттар сәскәләрһеҙ ҡалмаясаҡ. Урындағы сәскә үҫтереүселәр ҡатын-ҡыҙҙар өсөн йола буйынса бүләктәр әҙерләгән. 8 Март байрамы алдынан «Башҡортостан сәскәләре» предприятиеһы 50 мең тюльпан һәм 10 мең роза сәскәһе үҫтергән. Дизайнерҙар матур гөлләмәләр ҙә әҙерләгән.

Үҫтерелгән сәскәләрҙең яртыһы үҙ эйәләрен тапҡан да инде. Республика ойошмалары һәм айырым кешеләр төп заказсылар иҫәбендә. Барлыҡ сәскәләр ҙә ҙур һорау менән ҡуллана. Ҡағиҙә булараҡ, һәр тюльпан һәм роза сәскәһе гүзәл заттарҙың нәфис ҡулдарына эләгә.