3 декабрь, Шәмбе

05 март 2012 йыл, 16:22

8 Март алдынан Рәсәйҙә йөҙ иң уңышлы банкир ҡатын-ҡыҙ һайланды

автор: Әлфиә Шәрәфетдинова

Халыҡ-ара ҡатын-ҡыҙҙар көнө алдынан Рәсәйҙең алдынғы журналдарының береһе ҡыҙыҡлы рейтинг тәҡдим итте. Баҫманың яңы һанында илдең 100 иң уңышлы банкир ҡатын-ҡыҙ исеме баҫтырылды.

— Иң яҡшыларын билдәләгәндә редакция өс төп йүнәлеште иҫәпкә алды. Улар – кредит учреждениеһының ҙурлығы, биләгән вазифа һәм акционерҙар капиталында ҡатнашыу, — тип хәбәр иттеләр Башҡортостан Республикаһының Кредит ойошмалары ассоциацияһынан. Ойошма сайтында әлеге рейтинг менән танышырға була.

Бығаса Башҡортостан гүзәлдәре был исемлектә булғаны юҡ, әммә рейтингты йыл һайын үткәреү планлаштырыла, шуға күрә республика ҡатын-ҡыҙҙарының барыһы ла алда.