7 декабрь, Шаршамбы

05 март 2012 йыл, 15:52

Өфөлә хеҙмәт баҙарындағы хәл яҡшыра

автор: Галина Бахшиева

Өфөнөң хеҙмәт баҙарындағы көсөргәнешлек коэффициенты кәмеп, бөгөнгө көндә 0,64 тәшкил итә. Әлеге ваҡытта ҡаланың Халыҡ мәшғүллеге үҙәгендә 14300-ҙән ашыу вакантлы урын иҫәпләнә.

Өфөлә эшһеҙлек кимәле һәр аҙна һайын шулай уҡ кәмеп, әлеге ваҡытта 1,53 процент тәшкил итә.

«Башинформ» агентлығына Өфөнөң Халыҡ мәшғүллеге үҙәгенән хәбәр итеүҙәренсә, баш ҡалала рәсми рәүештә теркәлгән 8600-ҙән ашыу эшһеҙ иҫәпләнә, уларҙан яҡынса 7860 кеше эшһеҙлек буйынса пособие ала. Ҡаланың хеҙмәт биржаһында бөгөнгө көнгә йәмғеһе 9100-ҙән ашыу кеше иҫәптә тора.