10 декабрь, Шәмбе

05 март 2012 йыл, 14:32

Башҡортостандың Мәғариф министрлығы йылға йомғаҡ яһаясаҡ

автор: Эльмира Сабирова

Башҡортостан Республикаһы Мәғариф министрлығы коллегияһының төбәктең Мәғариф өлкәһендә контроль һәм күҙәтеү идаралығы менән берлектәге киңәйтелгән ултырышы шаршамбы, 7 мартта, Р.Ғарипов исемендәге 1-се Башҡорт республика гимназия-интернатында үтәсәк.

Кәңәшмәлә ведомствоның 2011 йыл өсөн эшмәкәрлегенә йомғаҡ яһаласаҡ һәм 2012 йылға дәүләт мәғариф сәйәсәтен тормошҡа ашырыу буйынса бурыстар билдәләнәсәк.

БР Мәғариф министрлығынан хәбәр итеүҙәренсә, республика педагогтары бөгөнгө шарттарҙа һөнәрҙең абруйын арттырыу, төбәктә эшләүсе мәғариф хеҙмәткәрҙәренең социаль яҡланыуы, мәғариф учреждениеларында санитар-эпидемиологик талаптарҙы үтәү һәм янғын хәүефһеҙлеген тәьмин итеү һәм башҡа мәсьәләләрҙе тикшерәсәк.

Коллегия 11 сәғәттә башлана.