6 декабрь, Шишәмбе

02 март 2012 йыл, 16:23

Күмертауҙа ҡала ҡатын-ҡыҙҙар советы булдырылды

автор: Марина Шумилова

Күмертауҙа ҡала ҡатын-ҡыҙҙар советының ойоштороу ултырышы үтте, унда ҡатындар – предприятие етәкселәре, депутаттар корпусы, хеҙмәт коллективтары вәкилдәре ҡатнашты.

Ултырышта ҡатнашыусылар ҡатын-ҡыҙҙар йәмәғәт хәрәкәтенең көнүҙәк мәсьәләләрен тикшерҙе һәм Башҡортостан Республикаһының «Время» гәзите редакцияһы ҡаҙна предприятиеһының директор-баш мөхәррире Елена Камалованы бер тауыштан ҡала ҡатын-ҡыҙҙар советы рәйесе итеп һайланы.

Елена Камалова яңы йәмәғәт ойошмаһының формаль рәүештә генә булдырылмауына һәм уның яҡшы һөҙөмтәләргә ирешеүенә ышанысын белдерҙе.

Ҡала округының һәр хеҙмәт коллективында ҡатын-ҡыҙҙар советын булдырырға ҡарар ителде, уларҙың рәйестәренән ҡала ҡатын-ҡыҙҙар советы идаралығы тупланасаҡ.