9 декабрь, Йома

02 март 2012 йыл, 13:09

Март айында Башҡортостанда ғәҙәттәгенән йылыраҡ буласаҡ

автор: Рәсүл Хәмиҙуллин

Ял көндәре Башҡортостанда йылы һәм аяҙ буласаҡ. Рәсәй Гидрометеоүҙәге мәғлүмәттәренә ярашлы, республикала төнөн 8-ҙән 14 градусҡа тиклем һыуыҡ булыуы көтөлә. Көндөҙ бер градусҡа тиклем йылытасаҡ. Яуым-төшөмдәр көтөлмәй.

Киләһе аҙнала иһә бер аҙ ҡар яуыуы ихтимал. Һауа температураһы артыҡ үҙгәрмәйәсәк.

Бынан тыш, Рәсәй Гидрометеоүҙәге, айлыҡ уртаса температура норманан бер градусҡа юғарыраҡ буласаҡ, тип хәбәр итә. Айлыҡ яуым-төшөм буйынса иһә норманан ситләшеү күҙалланмай.

темалар: һауа торошо