9 декабрь, Йома

29 февраль 2012 йыл, 15:47

Башҡортостан халҡы 8, 9 һәм 10 мартта ял итәсәк

автор: Галина Бахшиева

Рәсәй Федерацияһы Хеҙмәт кодексының 112-се статьяһына ярашлы, 8 март – Халыҡ-ара ҡатын-ҡыҙҙар көнө байрам көнө булып тора. 7 марттағы эш көнө бер сәғәткә ҡыҫҡартыла.  

БР Хеҙмәт һәм халыҡты социаль яҡлау министрлығының матбуғат хеҙмәтенән хәбәр итеүҙәренсә, хеҙмәткәрҙәр ял һәм байрам көндәрен рациональ файҙаланһын өсөн 11 марттағы, йәкшәмбеләге, ял көнө йомаға, 9 мартҡа, күсерелгән.  

Шулай итеп, быйыл байрам арҡаһында Башҡортостан Республикаһында 8, 9 һәм 10 март ял көндәре булып тора.  

РФ Хеҙмәт кодексының 120-се статьяһы нигеҙендә йыллыҡ төп һәм өҫтәмә түләүле отпуск бирелгәндә байрам көнө 8 март отпускының календарь көндәре иҫәбенә индерелмәй.