Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.60 ↑

EUR 63.23 ↓

17 ғинуар, Шишәмбе

Уфа   °

Михаил Бабич РФ Президентының Башҡортостандағы йәмәғәт ҡабул итеү бүлмәһе эшмәкәрлеге менән танышты

Сәйәсәт

РФ Президентының Волга буйы федераль округындағы тулы хоҡуҡлы вәкиле Михаил Бабич Өфөлә Рәсәй Федерацияһы Президентының Башҡортостан Республикаһындағы йәмәғәт ҡабул итеү бүлмәһе эшмәкәрлеге менән танышты.

РФ Президентының йәмәғәт ҡабул итеү бүлмәһе етәксеһе, Башҡортостан буйынса Баш федераль инспектор Петр Капишников йәмәғәт ҡабул итеү бүлмәһе асылғандан алып (2011 йылдың 28 сентябре), төрлө мәсьәләләр буйынса бында 9 меңдән ашыу кешенең мөрәжәғәт итеүе хаҡында хәбәр итте. Тикшереү һөҙөмтәләре буйынса, мөрәжәғәттәрҙең 40 проценты нигеҙле тип танылды. Уларҙың бер өлөшө хоҡуҡи консультация талап итә ине, ҡайһы берәүҙәре РФ Президентының Башҡортостандағы йәмәғәт ҡабул итеү бүлмәһендә һәм тейешле ведомстволарҙа тикшереү үтә. Көн һайын РФ Президентының йәмәғәт ҡабул итеү бүлмәһенә 40-тан алып 100-гә тиклем һорау килә.

Халыҡ менән эшләү өсөн бында барлыҡ шарттар ҙа булдырылған: килгән кешеләрҙе мөмкин тиклем тулыраҡ мәғлүмәт менән тәьмин итеү, шулай уҡ РФ Президентының Волга буйы федераль округындағы тулы хоҡуҡлы вәкиленең йәмәғәт ҡабул итеү бүлмәһе һәм РФ Президентының Башҡортостан Республикаһындағы мобиль күсмә йәмәғәт ҡабул итеү бүлмәһе менән видеобәйләнеш булдырыу мөмкинлектәрен биргән заманса техник ҡорамалдар бар.

РФ Президентының Волга буйы федераль округындағы тулы хоҡуҡлы вәкиле мобиль йәмәғәт ҡабул итеү бүлмәһен ҡараны. Уны ойоштороусылар һүҙҙәренсә, Рәсәйҙә бындай бүлмәләр башҡа юҡ. РФ Президентының Башҡортостан Республикаһындағы күсмә ҡабул итеү бүлмәһе – заманса мобиль комплекс, уның ярҙамында йәмәғәт ҡабул итеү бүлмәһе хеҙмәткәрҙәре Өфөгә килә алмаған граждандарҙың проблемаларын хәл итеү маҡсатында республиканың төрлө төбәктәренә бара ала.

Күсмә мобиль йәмәғәт ҡабул итеү бүлмәһе бер аҙ тәжрибә лә туплаған. Үткән йылдың авгусында мобиль йәмәғәт ҡабул итеү бүлмәһе ике тапҡыр Иглин районының Урман ауылында булған. Февралдә ул Кушнаренко һәм Шишмә райондарында эшләгән. Петр Капишников һүҙҙәренсә, бындай мобиль йәмәғәт ҡабул итеү бүлмәһе урындарҙа ҙур һорау менән ҡуллана, сөнки мөрәжәғәт итеүселәр һаны бик күп.

Михаил Бабич бындай тәжрибәнең Волга буйы төбәктәре өсөн көнүҙәк булыуын билдәләне.

Яндекс цитирования
Рейтинг ресурсов "УралWeb" -->
закрыть