8 декабрь, Кесе йома

28 февраль 2012 йыл, 15:05

Республикала «Буласаҡ финансист» олимпиадаһында ҡатнашыуға заявкалар ҡабул итеү тамамлана

автор: Әлфиә Шәрәфетдинова

«Буласаҡ финансист» олимпиадаһы Башҡортостанда 1 мартта старт ала. Иҡтисади бәйгелә ҡатнашырға теләүселәрҙең заявка биреү өсөн ике көнө ҡала.

Иң яҡшы финанс баҙары белгесе исеменә республиканың төрлө уҡыу йорттарынан мәктәп уҡыусылары һәм студенттар ҡатнаша ала. Ҡатнашыусылар Йәштәр финанс үҙәгенең www.mfc-ufa.ru сайтында теркәлә.

«Башинформ» агентлығы алдан хәбәр итеүенсә, Башҡортостанда бындай сара тәүгә ойошторола. Ул БР Йәштәр сәйәсәте һәм спорт министрлығы ярҙамы менән «Йәштәр фәне көндәре» республика фестивале сиктәрендә үткәрелә.

Олимиада ике этапта үтәсәк. 1-16 мартта һайлап алыу туры була, ҡатнашыусылар «StarMoney» виртуаль уйын терминалында үҙ оҫталыҡтарын күрһәтәсәк. Иң күп виртуаль капитал йыйыусы 30 конкурсант 28 мартта уҙғарыласаҡ финалға үтә. Унда ҡатнашыусылар финанс баҙары буйынса белемдәрен тикшерәсәк. Төрлө номинацияларҙа еңеүселәрҙе приздар көтә.