6 декабрь, Шишәмбе

28 февраль 2012 йыл, 14:35

Башҡортостанда 2012 йылға күп фатирлы йорттарға капиталь ремонт үткәреү адреслы программаһы раҫланды

автор: Әлим Фәйезов

Башҡортостан Республикаһы Хөкүмәте ҡарары менән 2012 йылға күп фатирлы йорттарға капиталь ремонт үткәреү буйынса адреслы программа раҫланды.

БР Хөкүмәтенең матбуғат хеҙмәтенән хәбәр итеүҙәренсә, программаны бюджеттан финанслау күләме 771 миллион һум тәшкил итәсәк. Бында «Торлаҡ-коммуналь хужалыҡты реформалыштырыуға булышлыҡ итеү фонды» дәүләт корпорацияһынан – 565 миллион һум һәм БР муниципаль бюджеттарҙан алынасаҡ 206 миллион һумдан ашыу аҡса ла иҫәпкә алына.

Күрелгән саралар һөҙөмтәһендә 114 йортҡа капиталь ремонт үткәрелеүе көтөлә, уларҙа 14 меңдән ашыу кеше йәшәй.