8 декабрь, Кесе йома

22 февраль 2012 йыл, 14:24

Мәскәүҙә Владимир Путинға ярҙам итеү буйынса дөйөм Рәсәй митингыһында йөҙҙән ашыу Башҡортостан вәкиле ҡатнашасаҡ

автор: Сергей Захаров

22 февралдә Рәсәй Президентына кандидат Владимир Путинға ярҙам итеү буйынса дөйөм Рәсәй митингыһында ҡатнашыу өсөн Мәскәүгә Башҡортостандан делегация йүнәлде. Сара 23 февралдә үтәсәк.

Халыҡ фронты, йәмәғәт һәм йәштәр ойошмалары вәкилдәре, студенттар, республиканың төрлә ҡала һәм райондарынан эшсе йәштәр – йәмғеһе йөҙҙән ашыу кеше Мәскәүгә бөгөн иртәнсәк юлланды.

Акцияла ҡатнашасаҡ кешеләрҙең һүҙҙәренсә, уларҙың барыһы ла митингыға үҙҙәре теләп һәм үҙ аҡсаларына бара.

Иҫегеҙгә төшөрәбеҙ, Рәсәй Президентына кандидат Владимир Путинға ярҙам итеү буйынса митинг Ватанды һаҡлаусылар көнөндә Мәскәү ваҡыты менән 13-14 сәғәттәрҙә үтәсәк. Сарала йөҙ меңдән ашыу кешенең ҡатнашыуы көтөлә.