11 декабрь, Йәкшәмбе

21 февраль 2012 йыл, 14:48

Дәүләт Думаһы депутаты Владимир Поцупян Күмертау халҡы менән осрашты

автор: Марина Шумилова

Башҡортостандан Дәүләт Думаһы депутаты Владимир Поцупян Күмертауҙа булды, унда ул «Күмертау авиация етештереү предприятиеһы» асыҡ акционерҙар йәмғиәте эшмәкәрлеге менән танышты.

Предприятиела булғандан һуң, депутат Күмертау халҡы, предприятие һәм ойошма етәкселәре менән осрашты. Осрашыу барышында иҡтисадты диверсификациялауға, өҫтәмә белем биреү учреждениеларының матди-техник базаһына, балалар пособиеһы күләменә, ҡалала күргәҙмә залын асыуға ҡағылышлы һорауҙар булды.

Мәсьәләләрҙең күпселеген федераль кимәлдә хәл итеү талап ителә, шуға күрә Владимир Поцупян уларҙы үҙ контроленә алмаҡсы.