10 декабрь, Шәмбе

20 февраль 2012 йыл, 12:17

Затон биҫтәһенә илтәсәк яңы күпер төҙөү һигеҙ миллиард һумға төшәсәк

автор: Евгений Рәхимҡолов

Ағиҙел йылғаһы аша Затон биҫтәһенә илтәсәк яңы күпер төҙөү яҡынса һигеҙ миллиард һумға төшәсәк. Был хаҡта Башҡортостан Президенты Рөстәм Хәмитов «Вся Уфа» телеканалында «тура бәйләнеш» барышында хәбәр итте.

Уның һүҙҙәренсә, ғәмәлдәге күпергә параллель рәүештә һалынасаҡ яңы күперҙе проектлау тамамланған. Төҙөлөш быйыл башланасаҡ. Күперҙе өс-дүрт йыл эсендә төҙөп бөтөү планлаштырыла.

Рөстәм Хәмитов шулай уҡ ҡаланың бер нисә биҫтәһендә, шул иҫәптән Затонда, автобустар йөрөүенә бәйле проблемаларҙың булыуы хаҡында белдерҙе. Башҡортостан Президенты «Башавтотранс» етәкселегенә автобустарҙың даими рәүештә, өҙөклөкһөҙ йөрөп торорға тейешлеге хаҡында белдерҙе.