10 декабрь, Шәмбе

17 февраль 2012 йыл, 15:42

Өфөлә 1812 йылғы Ватан һуғышында Еңеүҙең 200 йыллығына арналған күргәҙмә асыла

автор: Розалия Вәлиева

Өфө художество галереяһында 17 февралдә 1812 йылдағы Ватан һуғышында Еңеүҙең 200 йыллығына арналған республика һынлы сәнғәт күргәҙмәһе асыла.

«Башинформ» агентлығына БР Рәссамдар союзынан хәбәр итеүҙәренсә, экспозицияла авторҙарҙың Наполеон агрессияһына ҡаршы көрәштә Рәсәй халыҡтарының ҡаһарманлығын һәм илһөйәрлеген һүрәтләгән йөҙҙән ашыу эше тәҡдим ителә. Даны бөтә Европаға таралған башҡорт яугирҙары — «төньяҡ амурҙарына» арналған эштәр ҙә бар.

Был көндө живопись, графика, биҙәү-ҡулланма сәнғәт һәм скульптура өлкәһендәге иң яҡшы эштәр конкурсы лауреаттарын бүләкләү тантанаһы ла үтәсәк. Шунда уҡ эштәрҙең каталогы күрһәтеләсәк.  

Башлана -  17 сәғәттә. Күргәҙмә 10 мартҡа тиклем эшләйәсәк.