7 декабрь, Шаршамбы

16 февраль 2012 йыл, 17:28

Белорет ветерандарына торлаҡ сертификаттары тапшырылды

автор: Әлим Фәйезов | фото: Ольга Колесникова

Белорет районы хакимиәте башлығы Владислав Миронов кесе йома көнө, «Ветерандар тураһында»ғы Федераль законға ярашлы, торлаҡ шарттарын яҡшыртыуға мохтаж булған Белоретта йәшәүсе алты кешегә торлаҡ төҙөүгә йәки һатып алыуға бер тапҡыр бирелә торған аҡсалата түләү тураһында сертификаттар тапшырҙы.

Көтөп алынған таныҡлыҡтарҙы Бөйөк Ватан һуғышы ветерандары Сәғит Зәйнетдинов һәм Аграфена Анисимова, Бөйөк Ватан һуғышы ветерандарының тол ҡатындары Акулина Исаева, Сания Ҡорманаева, Рәйсә Шамшурина һәм Сара Яҡшыбаева алды.

Сертификаттарҙы тапшырып, Владислав Миронов ветерандарға һуғыш йылдарында күрһәткән ҡаһарманлыҡтары, сабырлыҡтары, һуғыштан һуңғы фиҙаҡәр хеҙмәттәре өсөн рәхмәтен белдерҙе, уларға ныҡлы сәләмәтлек, именлек һәм оҙон ғүмер теләне, тип хәбәр иттеләр район хакимиәтенең мәғлүмәт-аналитика бүлегенән.