Учалыла үҫеп килеүсе быуындың милли үҙаңын формалаштырыу мәсьәләләре тикшереләсәк

Милли инновацион белем биреү учреждениелары уҡытыусыларының республика кимәлендәге фәнни-ғәмәли конференцияһы Учалыла 16-17 февралдә үтәсәк. Форум темаһы — «Баланы шәхес итеп тәрбиәләү һәм йәш быуындың милли үҙаңын формалаштырыу факторы булараҡ белем биреү процесын интеграциялау».

Конференция сиктәрендә түбәндәге секциялар эшләйәсәк: «Этнопедагогика –  ысын милли мәктәп нигеҙе»; «Һәләтле балалар менән эшләүҙе камиллаштырыу юлдары»; «Күсәгилешлек: балалар баҡсаһы – тәүге баҫҡыс»; «Уҡытыусылар коллективы – инновацион милли белем биреү учреждениеһын үҫтереүҙә төп ресурс».