Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.09 ↑

EUR 61.69 ↓

21 февраль, Шишәмбе

Уфа   °

Республика уртаса айлыҡ эш хаҡы кимәле буйынса Волга буйы федераль округында бишенсе урында тора

Иҡтисад

Волга буйы федераль округының 14 төбәге араһында Башҡортостан уртаса айлыҡ эш хаҡы буйынса бишенсе урында тора. 2011 йыл рейтингыһында түбәндәге төбәктәр беренсе килә: Татарстан, Пермь крайы, Һамар һәм Түбәнге Новгород өлкәләре.

Республикала хеҙмәткәрҙең үткән йылдың 12 айы өсөн уртаса айлыҡ эш хаҡы 18427 һум тәшкил итте, 2010 йыл менән сағыштырмаса, ул 13,3 процентҡа артты, тип хәбәр иттеләр Башҡортостан Республикаһы Хеҙмәт һәм халыҡты социаль яҡлау министрлығының матбуғат хеҙмәтенән.

Бюджет өлкәһендә эшләүсе хеҙмәткәрҙәрҙең эш хаҡын арттырыуға килгәндә, 2011 йылда мәғариф өлкәһендәге уртаса айлыҡ эш хаҡы 13,1 процентҡа артып, 12 мең һум тәшкил итте.

Һаулыҡ һаҡлау учреждениеларында һәм социаль хеҙмәттәр күрһәтеүсе ойошмаларҙа йыл дауамында эш хаҡы 17,6 процентҡа артып, яҡынса 13600 һум тәшкил итте.

Социаль яҡлау системаһы учреждениелары хеҙмәткәрҙәренең уртаса айлыҡ эш хаҡы йыл эсендә 21,5 процентҡа артып, яҡынса туғыҙ мең һумға барып баҫты.

Дөйөм белем биреү системаһын яңыртыу сиктәрендә уҡытыусыларҙың эш хаҡы 2011 йылдың сентябрь-декабрь айҙарында Башҡортостанда 16995 һум тәшкил итте. Шулай итеп, төбәктә уҡытыусыларҙың эш хаҡын иҡтисад тармаҡтары буйынса уртаса хеҙмәт хаҡына яҡынайтыуға өлгәшелде.

Яндекс цитирования
Рейтинг ресурсов "УралWeb" -->
закрыть