7 декабрь, Шаршамбы

15 февраль 2012 йыл, 9:08

Өфөлә Рөстәм Хәмитов менән тура бәйләнеш ойошторола

автор: Евгений Рәхимҡолов

18 февралдә «Вся Уфа» телеканалында Башҡортостан Президенты Рөстәм Хәмитов менән тура линия үтәсәк. Республика Президенты телевизор ҡараусылар менән ике сәғәт дауамында – 19.30-ҙан 21.30-ға тиклем аралашасаҡ, тип көтөлә.

Теләге булған һәр кем Рөстәм Хәмитовҡа тура эфирҙа һорау бирә аласаҡ. Бының өсөн Өфөләге 255-90-27 телефонына шылтыратырға, йәки www.allufa.ru сайтында һорау яҙып ҡалдырырға кәрәк.

Рөстәм Хәмитов әйтеүенсә, «тыйылған» темалар юҡ, һәм ул халыҡ менән теләһә ниндәй мәсьәләне тикшерергә, һәр төрлө һорауҙарға яуап бирергә әҙер.  Хәтерегеҙгә төшөрәйек, күптән түгел Рәсәй Хөкүмәте Рәсейе Владимир Путин да ил халҡы менән ошондай аралашыу үткәргәйне. Ошо тура линия барышында Өфөнән дә һорауҙар бирелде, ул ваҡытта күсмә телестудияларҙың береһе Салауат Юлаев һәйкәле янында эшләне.